A Escola de Altos Estudos Musicais (EAEM) celebrará durante 2014 o Curso de Composición que cada ano imparte o prestixioso compositor e músico aragonés Antón García Abril. O prazo para inscribirse remata o 12 de xaneiro.

O curso desenvolverase entre os meses de xaneiro a xullo do ano entrante. Ofértanse un total de 10 prazas. A selección de alumnos activos farase por rigorosa orde de presentación de solicitudes. O prezo da matrícula para os alumnos activos é de 350 euros e para os oíntes ascende a 200 euros.

Os contidos que se abordarán centraranse na técnica compositiva, na orquestración, na corrección de obras e na súa análise. A matrícula e o pagamento do curso realizarase a través da páxina web da Escola de Altos Estudos Musicais (www.eaem.es).

Máis información