O Consorcio de Santiago colabora coa Feira do Libro, que se celebrará na Alameda compostelá do 26 de abril ao 4 de maio. Aporta para sortear entre o público tres lotes de libros das súas diferentes bibliotecas, cincuenta entradas para o Museo das Peregrinacións e de Santiago, xunto con vinte entradas para o concerto que a Real Filharmonía de Galicia ofrecerá o vindeiro 22 de maio no Auditorio de Galicia baixo a batuta de Maximino Zumalave.

O presidente do Consorcio, o alcalde Ángel Currás, subliña que no ánimo do organismo interadministrativo está a intención de colaborar “todo o posible” coas principais manifestacións culturais da cidade, así como coas organizacións que programan actividades de carácter cidadán no ámbito do patrimonio, a música e a literatura. Cada lote de libros está valorado en 450 euros e está composto polos seguintes títulos:

- Carlos Santos Fernández, Antonio López Ferreiro (1837-1910)
- José Luis Teófilo e Ramón Yzquierdo,  La Berenguela
- Antonio Cepeda Fandiño, Santiago de Compostela no s. XVI
- Carlos Villanueva, El Pórtico de la Gloria. Música, Arte y Pensamiento
- VV. AA. Pintores Compostelanos
- Luis Posse Vidal. Santiago monumental. Apuntes de Segundo Hevia
- Paco López-Barxas. Sar e Sarela e os monstruos de Compostela
- Nicola Albani. Viaje de Nápoles a Santiago de Galicia
- Alfredo Vigo Trasancos. Barroco. La arquitectura sagrada del Antiguo Reino de Galicia (1658-1763)
- Colección xuvenil (8 números, que inclúen: Diego Xelmírez; Doña Urraca; Santiago, el hijo del trueno; Bartolomé Rajoy y Losada; Arzobispo Fonseca; La emperatriz Berenguela; El pasado de los libros e Alfonso II el Casto
- Manuel Díaz y Díaz. Escritos jacobeos
- Alberto Schommer. Granito vivo
- VV. AA. Intramuros