A Real Filharmonía de Galicia (RFG) celebra esta semana dous concertos. O primeiro, o xoves día 28, ás 21:00 horas, no Auditorio de Galicia. E o venres día 29, ás 20:30 horas, no Centro Sociocultural Novacaixagalicia de Pontevedra. O mozo director e pianista español Pablo Mielgo levará a batuta da orquestra, á vez que interpretará unha das obras ao piano, no que será o seu debut en Galicia.

Na primeira parte do concerto, co propio Pablo Mielgo ao piano, a orquestra interpretará o Concerto para piano nº 23 de Mozart (1756-1791), que compuxo en 1786, ao mesmo tempo que As vodas de Fígaro. Na segunda parte a Real Filharmonía de Galicia tocará a Sinfonía nº 4 do compositor danés Niels Gade (1817-1890).