No ano 2014 e tras retirar a tarima de madeira da igrexa do convento de Santa Clara de Santiago, os arquitectos da Oficina Técnica do Consorcio de Santiago observaron unha serie de trazados realizados no chan da mesma. O profesor Miguel Taín e o arquitecto José Calvo, tras varios anos de traballo e estudo, amósannos nesta publicación as monteas que se gravaron para o deseño da fachada da igrexa deste convento e que forman quizais o mellor conxunto conservado de Europa.