Selección, notas introdutorias e edición de José Manuel González Herrán.

Os contos e novelas curtas que Emilia Pardo Bazán ambientou na cidade de Santiago de Compostela, reúnense agora nunha coidada edición preparada polo experto na escritora, J. M. González Herrán, catedrático de Literatura Española da Universidade de Santiago. Inclúe manuscritos e ilustracións orixinais moi pouco coñecidas. Edítase esta obra con motivo do centenario do falecemento da escritora (A Coruña, 1851-Madrid, 1921) na que se recollen trece narracións (dez contos, dúas novelas curtas e o comezo dunha novela inconclusa), nas que a cidade de Santiago de Compostela é escenario, inspiración ou referencia.